ؒلاہور (نیوزڈیسک)فری اینڈ فیئر الیکشن نیٹ ( فافن ) نے پنجاب کے 12اضلاع میں ہونے والے بلدیاتی انتخابات کے پہلے مرحلے کے حوالے سے اپنی جاری رپورٹ میں کہا ہے کہ مبصرین کو اجازت کے باوجود پولنگ اسٹیشنز کے اندر جانے سے روکا جاتا رہا جبکہ من پسند افراد کو اس کی آزادانہ اجازت تھی،بلدیاتی انتخابات میں وہی خامیاں پائی گئیں جو کہ عام انتخابات 2013ءمیں پائی گئیں،امیدواران کے حامی پولنگ اسٹیشنز کے اندر رہے اورانتخابی مہم چلاتے رہے جبکہ بعض امیدواروں کا تشہےری سامان پولنگ اسٹےشنزکے اندر پاےا گےا ۔ فافن کے نیشنل کو ار ڈی نیٹر سرور باری نے لاہور پریس کلب میں پریس کانفرنس کر کے رپورٹ جاری کی جس میں بتایا گیا کہ پنجاب کے 12اضلاع کے 249پولنگ اسٹیشنز کا دورہ کر کے رپورٹ مرتب کی گئی ۔35پولنگ اسٹیشنشز پر اجازت نا مے کے باوجود فافن کے نمائندوںکواندر جا نے سے روکا گیاجبکہ من پسند افراد آزادانہ طور پراندر آتے جاتے رہے ۔کُل 14پولنگ اسٹیشنز پر تشدد کے واقعات ہوئے ،مجموعی طورپر 14.6فیصد تشدد کے واقعات رپورٹ کیے گئے ۔4اضلاع لاہور ، بہاولنگر ، لودھراں اورقصور سے 10پولنگ اسٹیشنز تاخیر سے کھلنے کی رپورٹ ملی ۔بلدیاتی انتخابات میں وہی خامیاں پائی گئیں جو کہ عام انتخابات 2013ءمیں پائی گئیں،249میں سے 177پو لنگ اسٹیشنز کے اندر پو لیس موجود تھی ،10.8فیصد پولنگ اسٹیشنز پر ووٹ کی رازداری کے حق کی خلاف ورزی کی گئی اور ووٹ کی رازداری کا عمل بری طرح متاثر ہوا۔امیدواران کے حامی اندر رہے اورانتخابی مہم چلاتے رہے ،بعض امیدواروں کا تشہےری سامان پولنگ اسٹےشنزکے اندر پاےا گےا ۔ پولنگ کے عمل پر الےکشن کمےشن کی گرفت کمزوررہی اور الےکشن کمےشن اپنے ضابطہ اخلاق پر عمل کروانے مےں ناکام رہا ۔