اسلام آباد(نیوز ڈ یسک)کامن ویلتھ گیمز میں مردوں کے جیولن تھرو کا فائنل شروع ہو چکا ہے،

جہاں پاکستان کے اسٹار ایتھلیٹ اور دفاعی چیمپئن ارشد ندیم طلائی تمغے کے دفاع کے لیے ایکشن میں ہیں۔میڈیا رپورٹس کے مطابق ارشد ندیم نے اپنی دوسری کوشش میں 77.41 میٹر کی تھرو کی، جس کے بعد وہ 12 کھلاڑیوں کے مقابلے میں پانچویں پوزیشن پر رہے۔ ان کی تیسری تھرو 75.39 میٹر ریکارڈ کی گئی۔دوسری جانب بھارت کے نیرج چوپڑا نے شاندار کارکردگی کا مظاہرہ کرتے ہوئے 85.83 میٹر کی بہترین تھرو کے ساتھ ابتدائی دو راؤنڈز کے بعد پہلی پوزیشن سنبھال لی۔جیولن تھرو کے فائنل میں مجموعی طور پر 12 ایتھلیٹس حصہ لے رہے ہیں،

جبکہ ارشد ندیم اپنے اعزاز کا دفاع کرنے کے لیے میدان میں موجود ہیں۔یاد رہے کہ ارشد ندیم نے کوالیفائنگ راؤنڈ میں 78.63 میٹر کی بہترین تھرو کے ذریعے فائنل کے لیے جگہ بنائی تھی، جہاں وہ ساتویں پوزیشن پر رہے تھے۔