لاہور( این این آئی)محکمہ موسمیات نے 29جولائی سے مون سون کا ایک طاقتور سلسلہ شروع ہونے پیشگوئی کر دی ہے ۔

محکمہ موسمیات نے آئندہ 24گھنٹوں کے دوران ملک کے مختلف علاقوں میں بارش، تیز ہوائوں اور گرج چمک کے ساتھ بارش کی پیشگوئی کرتے ہوئے اربن فلڈنگ اور پہاڑی ندی نالوں میں طغیانی کا خدشہ ظاہر کیا ہے۔محکمہ موسمیات نے بتایا کہ 29جولائی سے مون سون کا ایک طاقتور سلسلہ شروع ہونے کی توقع ہے، جو اسلام آباد، بالائی پنجاب، خیبر پختونخواہ ، آزاد کشمیر، گلگت بلتستان اور دریائوں کے بالائی کیچمنٹ علاقوں کو متاثر کر سکتا ہے۔محکمہ موسمیات کے مطابق آئندہ 24گھنٹوں میں دریائے چناب اور راوی میں پانی کی سطح بلند ہونے کا امکان ہے۔