اسلام آباد (نیوز ڈیسک) ہنگری کے وزیراعظم پیٹر میگیار نے پاکستان کے وزیراعظم شہباز شریف کی جانب سے بھیجے گئے

آموں کے تحفے پر منفرد انداز میں اظہارِ تشکر کرتے ہوئے سوشل میڈیا پر دلچسپ پیغام شیئر کیا۔پیٹر میگیار نے اپنے سوشل میڈیا اکاؤنٹ پر آموں کی تصویر پوسٹ کرتے ہوئے لکھا کہ ہر تحفہ ایک جیسا نہیں ہوتا، اور ایک مصروف دن کے اختتام پر انہیں پاکستان کے وزیراعظم کی جانب سے بھیجے گئے 90 آم خوشگوار حیرت کے طور پر موصول ہوئے۔ انہوں نے مزاحیہ انداز میں مزید کہا کہ صرف ایک گھنٹے میں ان میں سے بیشتر آم ختم ہو گئے اور چند ہی باقی رہ گئے۔ آخر میں انہوں نے اس خوبصورت تحفے پر وزیراعظم شہباز شریف کا شکریہ بھی ادا کیا۔ہنگری کے وزیراعظم کی یہ پوسسٹ سوشل میڈیا پر تیزی سے وائرل ہوگئی، جہاں صارفین نے ان کے دوستانہ اور خوش مزاج انداز کو پسند کرتے ہوئے مختلف تبصرے کیے۔ متعدد افراد نے اسے پاکستان اور ہنگری کے درمیان خوشگوار سفارتی تعلقات کی ایک دلچسپ مثال بھی قرار دیا۔