لاہور (این این آئی)پاکستان کرکٹ ٹیم کو آسٹریلیا کے خلاف آئندہ ون ڈے سیریز سے قبل بڑا دھچکا لگ گیا،
اوپننگ بلے باز صائم ایوب اور فخر زمان انجری کے باعث سیریز سے باہر ہوگئے۔پاکستان کرکٹ بورڈ نے تصدیق کی ہے کہ دونوں کھلاڑی تاحال انجری سے مکمل طور پر صحت یاب نہیں ہو سکے ،میڈیکل پینل کی نگرانی میں ری ہیب پروگرام جاری رکھیں گے جس کے باعث انہیں آسٹریلیا کے خلاف تین میچوں کی ون ڈے سیریز کے لیے زیر غور نہیں لایا جائے گا۔پی سی بی کے مطابق سیریز کا آغاز 30مئی کو راولپنڈی میں ہوگا جبکہ دوسرا اور تیسرا ون ڈے بالترتیب 2اور 4جون کو لاہور کے قذافی اسٹیڈیم میں کھیلا جائے گا۔
