کراچی (این این آئی)پاکستانی شوبز انڈسٹری کی معروف اداکارہ سجل علی کو اپنے نئے بولڈ ہیئر اسٹائل کی وجہ سے سوشل میڈیا پر تنقید کا سامنا کرنا پڑ رہا ہے۔
سجل علی نے فوٹو اینڈ ویڈیو شیئرنگ ایپ انسٹاگرام پر اپنی ایک نئی ویڈیو شیئر کی ہے۔اداکارہ کی جانب سے شیئر کی گئی ویڈیو میں وہ اپنے لمبے گھنے بالوں کے بجائے شارٹ پکسی ہیئر کٹ میں نظر آ رہی ہیں۔سجل علی نے یہ نئی ویڈیو شیئر کرتے ہوئے کیپشن میں اپنی چھوٹی بہن اداکارہ صبور علی کو ٹیگ کیا جنہوں کچھ روز قبل اپنے بالوں کی باب کٹنگ کروائی ہے۔اداکارہ کا نیا ہیئر اسٹائل ان کے مداحوں اور سوشل میڈیا صارفین کو کچھ زیادہ پسند نہیں آیا۔سوشل میڈیا صارفین سجل علی کے نئے ہیئر اسٹائل کے حوالے سے مختلف قسم کی قیاس آرائیاں کرتے بھی نظر آ رہے ہیں۔کچھ صارفین کا کہنا ہے کہ اداکارہ کا یہ ہیئر اسٹائل ان کے کسی نئے کردار کے لیے محض ایک عارضی تبدیلی بھی ہو سکتا ہے اور کچھ صارفین کو تو یہ امید ہے کہ سجل علی نے اپنے بال نہیں کٹوائے بلکہ یہ صرف ایک وگ ہے۔کچھ صارفین کا یہ بھی کہنا ہے کہ سجل علی نے ایسی ہیئر کٹنگ صحیفہ جبار سے متاثر ہو کر کروائی ہے۔
