اسلام آباد (نیوز ڈیسک) تنازعات کا شکار رہنے والی انڈین پریمیئر لیگ (آئی پی ایل) ایک مرتبہ پھر نئے معاملے کی وجہ سے خبروں میں آ گئی ہے۔
بھارتی میڈیا کے مطابق کھلاڑی ریان پراگ پر ڈریسنگ روم میں مبینہ غیر قانونی حرکت کے باعث پابندی لگنے کا امکان ظاہر کیا جا رہا ہے۔
بدھ کو کھیلے گئے میچ میں راجستھان رائلز نے پنجاب کنگز کی مسلسل کامیابیوں کا سلسلہ توڑ دیا، تاہم مقابلے کے بعد اصل توجہ کھیل کے بجائے کپتان ریان پراگ کی ایک ویڈیو نے حاصل کر لی۔
میچ کے دوران لائیو کیمروں میں انہیں ڈریسنگ روم میں ویپنگ کرتے دیکھا گیا، جس کے بعد سوشل میڈیا پر شدید ردعمل سامنے آیا۔ صارفین اور ناقدین نے اس عمل پر سخت سوالات اٹھائے، کیونکہ اسٹیڈیمز خصوصاً ڈریسنگ رومز میں سگریٹ نوشی اور ویپنگ پر سخت پابندی عائد ہے۔
یہ معاملہ صرف ضابطہ اخلاق کی خلاف ورزی تک محدود نہیں رہا بلکہ قانونی پہلو بھی اختیار کر گیا ہے۔
بھارت میں 2019 کے قانون “پروہیبیشن آف الیکٹرانک سگریٹس ایکٹ” کے تحت ای سگریٹس اور ویپس کی تیاری، خرید و فروخت، درآمد، برآمد اور تشہیر مکمل طور پر ممنوع ہے۔
قانونی ماہرین کے مطابق اس قانون کی خلاف ورزی کرنے والوں کو جرمانے کے ساتھ قید کی سزا کا سامنا بھی کرنا پڑ سکتا ہے۔
Rajasthan Royals might have snapped Punjab Kings’ winning streak on Wednesday, but the talk of the town wasn’t the scoreboard; it was Riyan Parag. Despite the high-intensity win, the RR skipper found himself at the centre of a social media firestorm after live cameras caught him… pic.twitter.com/j82d4ZtqdI
— Hindustan Times (@htTweets) April 29, 2026
