کراچی(این این آئی)پاکستان کرکٹ بورڈ (پی سی بی)نے (آج)منگل 28اپریل کو کراچی میں کھیلے جانے والے اہم کوالیفائر میچ کے ٹکٹس کے حوالے سے تفصیلات جاری کر دی ہیں جس کے مطابق شائقین کرکٹ کے لیے ٹکٹس کی قیمت انتہائی کم رکھی گئی ہے۔
پی سی بی کے مطابق فینز کوالیفائر میچ کے لیے ای ٹکٹس سرکاری ویب سائٹ https://pcb.tcs.com.pkسے خرید سکتے ہیں۔ ای ٹکٹس رکھنے والے شائقین اسٹیڈیم میں داخلے کے لیے اپنے موبائل فون پر ٹکٹ اسکین کروا سکتے ہیں یا اس کا پرنٹ ساتھ لا کر بھی باآسانی انٹری حاصل کر سکتے ہیں۔اعلان کے مطابق (آج)منگل کو نیشنل بینک اسٹیڈیم کراچی میں ہونے والے میچ کیلئے ہر انکلوژر کی ٹکٹ کی قیمت صرف 500روپے مقرر کی گئی ہے تاکہ زیادہ سے زیادہ شائقین میچ سے لطف اندوز ہو سکیں۔فزیکل ٹکٹس کی خریداری کے خواہشمند افراد کراچی میں نیشنل بینک اسٹیڈیم کے بالمقابل چائنہ گراؤنڈ میں قائم ٹی سی ایس باکس آفس سے ٹکٹس حاصل کر سکتے ہیں۔
