اسلام آباد (نیوز ڈیسک)قومی کرکٹ ٹیم کے اوپنر امام الحق نے سوشل میڈیا پر گردش کرنے والی خبروں کی وضاحت کرتے ہوئے کہا ہے کہ
ان کی ازدواجی زندگی کے حوالے سے پھیلنے والی باتیں بے بنیاد ہیں۔حال ہی میں امام الحق نے انسٹاگرام پر ایک سٹوری شیئر کی تھی جس میں انہوں نے موجودہ دور میں شادی کو مشکل قرار دیا تھا، جس کے بعد صارفین نے اسے ان کی ذاتی زندگی سے جوڑ کر مختلف قیاس آرائیاں شروع کر دیں۔اب اپنی نئی پوسٹ میں انہوں نے ان تمام افواہوں کی تردید کرتے ہوئے وضاحت دی کہ ان کا بیان عمومی سماجی حالات پر ایک رائے تھا، نہ کہ ان کی اپنی شادی سے متعلق کوئی اشارہ۔انہوں نے کہا کہ ان کی ذاتی زندگی میں سب کچھ ٹھیک ہے اور مداح بلا تصدیق ایسی باتوں کو پھیلانے سے اجتناب کریں۔
