اسلام آباد(نیوز ڈیسک) پاکستان کرکٹ ٹیم کے معروف فاسٹ بولر نسیم شاہ نے اپنے سوشل میڈیا اکاؤنٹ سے شیئر ہونے والی

ایک متنازع پوسٹ سے لاتعلقی ظاہر کرتے ہوئے مداحوں سے معذرت کر لی ہے۔اپنے وضاحتی بیان میں نسیم شاہ کا کہنا تھا کہ مذکورہ پوسٹ ان کی ذاتی رائے نہیں تھی بلکہ ان کی مینجمنٹ ٹیم کی جانب سے شیئر کی گئی۔ انہوں نے کہا کہ وہ اپنے سوشل میڈیا پلیٹ فارمز پر ہونے والی سرگرمیوں کی مکمل ذمہ داری قبول کرتے ہیں۔فاسٹ بولر کے مطابق اس واقعے کے بعد انہوں نے فوری اقدامات کیے ہیں اور اپنی ٹیم میں تبدیلیاں بھی کی ہیں تاکہ آئندہ ایسے معاملات دوبارہ پیش نہ آئیں۔ انہوں نے اس پوسٹ سے متاثر ہونے والے افراد سے دلی افسوس کا اظہار کرتے ہوئے کہا کہ وہ اس غلطی پر نادم ہیں۔واضح رہے کہ پاکستان کرکٹ بورڈ نے سینٹرل کنٹریکٹ اور سوشل میڈیا پالیسی کی خلاف ورزی پر نسیم شاہ پر 2 کروڑ روپے جرمانہ عائد کیا ہے۔

اس پیش رفت کے بعد انہوں نے اپنے سوشل میڈیا ایڈوائزر کو بھی فارغ کر دیا اور وضاحت جاری کی۔یاد رہے کہ ان کے اکاؤنٹ سے مریم نواز کے حوالے سے ایک متنازع پیغام سامنے آیا تھا، جس کے بعد یہ معاملہ خاصا زیرِ بحث رہا۔