اسلام آباد (نیوز ڈیسک)پاکستانی اسپنر ابرار احمد کی دی ہنڈریڈ لیگ کی ٹیم سن رائزرز لیڈز میں شمولیت پر بھارت کے سابق کپتان سنیل گواسکر نے سخت ردعمل ظاہر کیا ہے۔

رپورٹس کے مطابق گواسکر نے سن رائزرز گروپ کی مالک کاویا مران کو تنقید کا نشانہ بناتے ہوئے اپنے کالم میں کہا کہ بھارتی فرنچائز کی جانب سے کسی پاکستانی کھلاڑی کو معاوضہ دینے کا مطلب ہے کہ یہ رقم بالواسطہ طور پر ٹیکس کی شکل میں پاکستان حکومت تک پہنچتی ہے، جسے انہوں نے بھارت کے مفادات کے لیے نقصان دہ قرار دیا۔دوسری جانب بھارتی کرکٹ بورڈ نے اس معاملے پر وضاحت دیتے ہوئے کہا ہے کہ دی ہنڈریڈ لیگ ان کے دائرہ اختیار میں شامل نہیں، اس لیے وہ اس فیصلے میں مداخلت نہیں کر سکتے۔

یاد رہے کہ کاویا مران نے حال ہی میں دی ہنڈریڈ کے پلیئرز ڈرافٹ میں ابرار احمد کو تقریباً ایک لاکھ 90 ہزار پاؤنڈز میں اپنی ٹیم کا حصہ بنایا ہے۔