اسلام آباد (نیوز ڈیسک)سعودی عرب میں شوال کا چاند نظر نہ آنے کے باعث عیدالفطر جمعہ 20 مارچ کو منانے کا اعلان کر دیا گیا ہے۔

مملکت کے مختلف شہروں میں چاند دیکھنے کے لیے قائم آبزرویٹریوں اور متعلقہ کمیٹیوں کے اجلاس منعقد ہوئے، جبکہ سپریم کورٹ کی جانب سے عوام سے بھی چاند دیکھنے کی اپیل کی گئی تھی۔تاہم ملک بھر میں کہیں سے بھی چاند نظر آنے کی کوئی مستند شہادت موصول نہیں ہوئی۔ اس کے بعد سپریم کورٹ نے تمام موصولہ رپورٹس کا جائزہ لینے کے بعد باضابطہ فیصلہ سنایا۔اعلان کے مطابق رمضان المبارک کے 30 روزے مکمل کیے جائیں گے اور یکم شوال 1447 ہجری بروز جمعہ 20 مارچ کو ہوگی، جس دن عیدالفطر منائی جائے گی۔