اسلام آباد (نیوز ڈیسک) امریکا نے پاکستان میں مقیم اپنے شہریوں کے لیے سیکیورٹی الرٹ جاری کردیا ہے۔
امریکی سفارتخانے کی جانب سے جاری بیان میں کہا گیا ہے کہ ممکنہ احتجاجی مظاہروں کے خدشے کے باعث سفارتخانے کے عملے کی نقل و حرکت پر عارضی پابندیاں عائد کردی گئی ہیں۔میڈیا رپورٹس کے مطابق سفارتخانے نے خبردار کیا ہے کہ 6 مارچ کو ملک کے مختلف حصوں میں مظاہروں کا امکان ہے، جس کے پیش نظر امریکی اہلکاروں کو غیر ضروری سفر سے گریز اور احتیاط برتنے کی ہدایت دی گئی ہے۔بیان میں پاکستان میں موجود امریکی شہریوں کو بھی مشورہ دیا گیا ہے کہ وہ بڑے اجتماعات اور ہجوم والی جگہوں سے دور رہیں۔ اس کے ساتھ ساتھ انہیں مقامی میڈیا اور حالاتِ حاضرہ پر نظر رکھنے اور اپنی سیکیورٹی صورتحال کا باقاعدگی سے جائزہ لینے کی تلقین کی گئی ہے۔
سفارتخانے نے مزید کہا ہے کہ امریکی شہری غیر ضروری طور پر خود کو نمایاں نہ کریں اور اپنی شناختی دستاویزات ہر وقت اپنے پاس رکھیں تاکہ ضرورت پڑنے پر انہیں پیش کیا جا سکے۔
