چنئی(این این آئی)بھارت کے اہم کھلاڑی رنکو سنگھ ٹیم کے کیمپ کو چھوڑ کر اچانک گھر روانہ ہو گئے۔

بھارتی میڈیا کے مطابق وہ فیملی ایمرجنسی کی وجہ سے کیمپ چھوڑ کر گھر گئے، ان کے والد خان چند سنگھ تشویشناک حالت میں ہیں۔بھارتی کرکٹر کے والد کو گریٹر نوئیڈا مقامی ہسپتال منتقل کر دیا گیا ہے۔ رنکو سنگھ سپر ایٹ مقابلے کے ایک دن بعد 23 فروری کو چنئی پہنچے تھے۔انہیں گزشتہ صبح اچانک دوبارہ واپس جانا پڑا کیونکہ ان کے والد وینٹی لیٹر پر منتقل ہو گئے ہیں، وہ 26 فروری کو زمبابوے کے خلاف میچ نہیں کھیل سکیں گے۔ان کی غیر موجودگی میں اکشر پٹیل کو ٹیم میں شامل کیا جا سکتا ہے، بھارت کا زمبابوے کے خلاف انتہائی اہم میچ ہے، بھارت کو اب ایک بھی شکست ٹورنامنٹ سے باہر کر سکتی ہے۔