اسلام آباد (نیوز ڈ یسک)سابق سلیکٹر محمد یوسف نے انکشاف کیا ہے کہ انہیں بابر اعظم کی وجہ سے استعفیٰ دینا پڑا اور بتایاکہ بابر کی تکنیک خراب ہوچکی،

وہ3 سال سے رنز نہیں کررہا، میں نے ریسٹ دینے اور اکیڈمی جوائن کروانے کی بات کی تو سب میرے خلاف ہوگئے، پھر میں نے فیصلہ کیاکہ استعفیٰ دوں، جس نے جو کرنا ہے، وہ کرتے رہیں۔
اپنے ایک انٹرویوجس کی ویڈیو ایکس پر وائرل ہورہی ہے، میں محمد یوسف نے بتایاکہ میں نے بابر اعظم کو ریسٹ دینے کی بات کی تو شورمچ گیا،آپ بابر کو باہر کردیں گے ، اسے ریسٹ کرائیں گے، یہ سب لوگ میرے خلاف ہوگئے تومیں نے فیصلہ کیا کہ استعفیٰ دے دیتا ہوں، جس نے جو کرنا ہے، پھر کرلے، پھر میرااستعفیٰ نہیں قبول کیا جارہا تھا، مجھے تیسری بار استعفیٰ دینا پڑا، اس کی وجہ ایک یہی تھی ۔انہوں نے مزید کہاکہ بابر اعظم کو آپ دیکھیں تو اس کی تکنیک خراب ہوگئی ہے، بندے کو آؤٹ آف فارم ہونے کے لیے تین سال نہیں چاہیے ہوتے، بندہ دو تین سیریز میں آؤٹ آف فارم ہوجاتاہے، اب تو ہر جگہ سے یہی سن رہے ہیں کہ آؤٹ آف فارم ہوگیا، وہ آج کل سے نہیں ، تین سال سے رنز نہیں کرپارہا،

میں بطور سلیکٹربابر اعظم کو ریسٹ دینے، فرسٹ کلاس کرکٹ میں بھیجنے اور اکیڈمی جوائن کروانے کی سفارش کرتا رہاکہ اس کی تکنیکس پر کام ہوگاتو پھرواپس آجائے گا۔