اسلام آباد (نیوز ڈیسک) وفاقی دارالحکومت کی انسدادِ دہشت گردی عدالت میں ریڈ زون میں مبینہ ہنگامہ آرائی سے متعلق کیس کی سماعت عمل میں آئی۔

سماعت جج ابوالحسنات محمد ذوالقرنین نے کی، جس دوران عدالت نے رکنِ قومی اسمبلی شفقت اعوان اور رکنِ قومی اسمبلی عمر اسلم کی بعد از گرفتاری ضمانت منظور کرلی۔ اسی طرح ایم پی اے رفت شاہ، سرفراز ڈوگر، ملک اسد اور طیب راشد کو بھی ضمانت دے دی گئی۔ عدالت نے تمام ملزمان کی رہائی 10،10 ہزار روپے کے ضمانتی مچلکوں کے عوض منظور کی۔مقدمے میں نامزد افراد کے خلاف دہشت گردی اور اقدامِ قتل سمیت 11 مختلف دفعات کے تحت کارروائی کی جا رہی ہے۔

ایف آئی آر کے مطابق ملزمان پر الزام ہے کہ انہوں نے ہنگامہ آرائی کی، پولیس اہلکاروں پر فائرنگ کی، اسلحہ چھیننے کی کوشش کی اور دھمکیاں دیں، جبکہ سرکاری گاڑیوں کو نقصان پہنچا کر علاقے میں خوف و ہراس پھیلایا۔