اسلام آباد (نیوز ڈ یسک) ٹی ٹوئنٹی ورلڈکپ 2026 کے ابتدائی راؤنڈ اپنے آخری مرحلے میں داخل ہو چکے ہیں، جس کے بعد اگلا مرحلہ یعنی سپر ایٹ شروع ہوگا۔
گروپ مقابلوں میں پاکستان اور بھارت کے میچ میں پاکستانی ٹیم کو شکست ہوئی، جس کے نتیجے میں بھارتی ٹیم اگلے مرحلے میں پہنچ گئی۔پاکستان کے لیے سپر ایٹ تک رسائی کا انحصار اب نمیبیا کے خلاف لازمی کامیابی پر ہے۔ تاہم اگر پاکستانی ٹیم اگلے مرحلے میں پہنچ بھی جائے تو بھی ٹورنامنٹ کے فارمیٹ کے باعث روایتی حریفوں کا ایک ہی گروپ میں آنا ممکن نہیں ہوگا۔مقابلوں کے طریقۂ کار کے مطابق چاروں گروپس سے دو، دو ٹیمیں کوالیفائی کر کے سپر ایٹ میں پہنچیں گی۔ اس مرحلے میں مختلف گروپس سے منتخب ٹیموں کو ملا کر چار، چار ٹیموں پر مشتمل دو نئے گروپس بنائے جائیں گے۔ اسی وجہ سے پاکستان اور بھارت سپر ایٹ کے گروپ مرحلے میں آمنے سامنے نہیں آ سکتے۔البتہ دونوں ٹیمیں سیمی فائنل یا فائنل جیسے ناک آؤٹ مقابلوں میں ٹکرا سکتی ہیں۔ شیڈول کے مطابق پہلا سیمی فائنل 4 مارچ، دوسرا 5 مارچ جبکہ فائنل 8 مارچ کو کھیلا جائے گا۔
