اسلام آباد (نیوز ڈ یسک)ٹی ٹوئنٹی ورلڈکپ میں بھارت کے خلاف بدترین ناکامی کے بعد

پاکستان کرکٹ ٹیم کی مینجمنٹ سینئر کھلاڑیوں کی کارکردگی سے ناخوش دکھائی دے رہی ہے۔ اطلاعات کے مطابق ٹیم انتظامیہ اگلے میچ میں بابر اعظم اور شاہین شاہ آفریدی کو آرام دینے کے امکان پر سنجیدگی سے غور کر رہی ہے۔ذرائع کا کہنا ہے کہ آئندہ مقابلے میں پلیئنگ الیون میں دو یا تین تبدیلیاں متوقع ہیں اور سینیئرز کی جگہ بینچ پر موجود کھلاڑیوں کو آزمانے کی تجویز زیرِ غور ہے۔یاد رہے کہ پاکستان اپنا آخری گروپ میچ 18 فروری کو نمیبیا کے خلاف کھیلے گا، جو ٹیم کے لیے فیصلہ کن حیثیت اختیار کر چکا ہے۔

سپر ایٹ مرحلے تک رسائی کے لیے پاکستان کو یہ میچ جیتنا لازمی ہے، تاہم اگر بارش کے باعث مقابلہ ممکن نہ ہو سکا تو بھی قومی ٹیم اگلے مرحلے میں پہنچ سکتی ہے۔