ریاض (این این آئی)سعودی پرو لیگ میں النصر کے اہم میچ میں کرسٹیانو رونالڈو کی عدم شرکت کے بعد مداحوں نے منفرد اور طنزیہ انداز اپناتے ہوئے اسٹار فٹبالر پر طنز کے نشتر چلا دیئے ۔

سوشل میڈیا پر ایک ”لاپتہ فرد” کا پوسٹر وائرل ہوگیا ہے جس میں پرتگالی فٹبالر کرسٹیانو رونالڈو کی تصویر شامل ہے، سعودی عرب کی سڑکوں پر نظر آنے والے اس پوسٹر میں روتے ہوئے رونالڈو کی تصویر کے ساتھ نمایاں طور پر لاپتہ لکھا گیا ہے۔وائرل پوسٹر میں عربی زبان میں درج ہے کہ یہ چالیس سالہ شخص حد سے زیادہ رونے کی کیفیت سے گزر رہا ہے اور اس کا خاندان اسے تلاش کر رہا ہے،یہ طنزیہ پوسٹر اس وقت سامنے آیا جب رونالڈو نے پیر کو النصر اور الریاض کے درمیان ہونے والا میچ نہیں کھیلا۔ میڈیا رپورٹس کے مطابق رونالڈو نے حریف کلب الہلال کی جانب سے کریم بینزیما کو سائن کیے جانے پر ناراضگی کے اظہار کے طور پر میچ میں شرکت نہیں کی۔میڈیا رپورٹس کے مطابق النصر اور الہلال دونوں کو سعودی عرب کے پبلک انویسٹمنٹ فنڈ (پی آئی ایف) کی حمایت حاصل ہے، تاہم رونالڈو نے دونوں کلبوں کے درمیان مبینہ غیر مساوی حمایت پر بھی تحفظات کا اظہار کیا ہے،کہا جا رہا ہے کہ رونالڈو خاص طور پر اس بات پر ناخوش ہیں کہ ان کے سابق ریال میڈرڈ کے ساتھی کریم بینزیما کو الہلال میں شمولیت کی اجازت دی گئی جو اس وقت پرو لیگ کے ٹائٹل کی دوڑ میں النصر کا بڑا حریف ہے،اگرچہ رونالڈو پیر کے میچ میں شریک نہیں ہوئے، تاہم النصر نے یہ میچ 0ـ1 سے جیت لیا اور وہ پوائنٹس ٹیبل پر الہلال سے صرف ایک پوائنٹ پیچھے ہے۔

النصر جمعہ کو الاتحاد کے خلاف میچ کھیلا جائیگاجبکہ مداح اس بات کے منتظر ہیں کہ آیا کرسٹیانو رونالڈو اس میچ میں شرکت کریں گے یا نہیں، اسی دوران ان کے سعودی عرب چھوڑنے سے متعلق قیاس آرائیاں بھی جاری رہیں۔