لاہور(این این آئی)پاکستان سپر لیگ (پی ایس ایل) میں 2 نئی ٹیموں کے ممکنہ نام سامنے آگئے۔ذرائع کے مطابق پی ایس ایل میں فیصل آباد اورگلگت کے ناموں پر اتفاق ہونے کا امکان ہے۔ پاکستان کرکٹ بورڈ نے نئی ٹیموں کے 6 ناموں کو شارٹ لسٹ کیا تھا۔

شارٹ لسٹ کیے جانے والے ناموں میں فیصل آباد،گلگت ، سیالکوٹ، حیدرآباد، راولپنڈی اور مظفرآباد کے نام شامل تھے۔پاکستان کرکٹ بورڈ نے دو نئی ٹیموں کیلئے پیشکشیں طلب کر رکھی ہیں۔دوسری جانب ذرائع نے بتایاکہ پی سی بی اور ملتان سلطانز کے مابین تنازع تا حال حل نہیں ہوا۔پی سی بی نے 5 فرنچائزز کو ویلیو ایشن دستاویزات بھجوا رکھی ہیں۔ پی سی بی نے ویلیو ایشن کے بعد 5 فرنچائزز کو تجدیدکی پیشکش بھی کی ہوئی ہے۔