اسلام آباد (نیوز ڈ یسک ) پاکستان کرکٹ بورڈ (پی سی بی) نے سری لنکا کے خلاف ون ڈے سیریز کے لیے قومی ٹیم کا اعلان کر دیا ہے۔’’جیو نیوز‘‘ کے مطابق، سری لنکا کے خلاف ون ڈے سیریز اور تین ملکی ٹی ٹوئنٹی ٹورنامنٹ کے لیے بھی قومی اسکواڈز کو حتمی شکل دے دی گئی ہے۔

پی سی بی کے اعلامیے میں بتایا گیا کہ حسن نواز کو ون ڈے اور ٹی ٹوئنٹی دونوں اسکواڈز سے ریلیز کر دیا گیا ہے، تاہم ان کی جگہ کسی نئے کھلاڑی کو شامل نہیں کیا گیا۔ٹی ٹوئنٹی اسکواڈ میں فخر زمان اور عبدالصمد کو شامل کر لیا گیا ہے۔ فخر زمان پہلے سے ریزرو کھلاڑیوں کی فہرست میں موجود تھے۔واضح رہے کہ سری لنکا کے خلاف ون ڈے سیریز 11 سے 15 نومبر تک راولپنڈی میں کھیلی جائے گی، جبکہ ٹرائی نیشن سیریز 17 سے 29 نومبر کے دوران شیڈول ہے۔تین ملکی سیریز میں پاکستان، سری لنکا اور زمبابوے کی ٹیمیں حصہ لیں گی۔