لاہور (این این آئی) پاکستان کرکٹ ٹیم کے اسپنر نعمان علی نے دنیائے کرکٹ کے عظیم لیگ اسپنر عبدالقادر کا 37سال پرانا ریکارڈ توڑ دیا۔نعمان علی 5ٹیسٹ کے تسلسل میں سب سے زیادہ وکٹیں لینے والے پاکستانی بولر بن گئے، انہوں نے کیریئر کے 16ویں سے 20ویں ٹیسٹ کے دوران 46وکٹیں حاصل کیں۔واضح رہے کہ عبدالقادر نے 1987اور 88میں کیریئر کے 48ویں سے 52ویں ٹیسٹ میں 44وکٹیں لی تھیں۔پاکستان کے نعمان علی پچھلے 12ماہ کے دوران دنیا کے سب سے کامیاب اسپنر بھی ہیں۔

نعمان علی نے جنوبی افریقہ کے خلاف لاہور ٹیسٹ میں 10وکٹیں حاصل کی ہیں۔اس سال کے آغاز میں ویسٹ انڈیز کے خلاف پہلے ٹیسٹ میں انہوں نے 6اور دوسرے میں 10وکٹیں لی تھیں۔انگلینڈ کے خلاف سیریز میں نعمان علی نے ملتان میں 11اور راولپنڈی میں 9وکٹیں لی تھیں۔