لاہور( این این آئی)امیربالاج ٹیپو قتل کیس میں اہم پیش رفت سامنے آئی ہے، مقدمے میں نامزد مرکزی ملزم خواجہ تعریف گلشن عرف طیفی بٹ کو دبئی سے گرفتار کر لیا گیا ۔ پنجاب پولیس یہ کارروائی انٹرپول کی مدد سے عمل میں لائی۔ طیفی بٹ کو جلد از جلد پاکستان منتقل کرنے کے لیے قانونی کارروائی جاری ہے اور توقع ہے کہ وہ آئندہ چند روز میں لاہور پہنچا دیا جائے گا۔امیربالاج ٹیپو جو لاہور کی ایک معروف سیاسی و سماجی شخصیت تھے کو کچھ عرصہ قبل قتل کر دیا گیا تھا۔
اس ہائی پروفائل کیس میں طیفی بٹ کو مرکزی منصوبہ ساز اور ماسٹر مائنڈ قرار دیا گیا تھا۔قتل کے بعد طیفی بٹ ملک سے فرار ہو کر متحدہ عرب امارات میں روپوش ہو گیا تھا جس کے بعد پنجاب پولیس نے انٹرپول کے ذریعے اس کی گرفتاری کے لیے ریڈ وارنٹ جاری کیے تھے۔پولیس کا موقف دیتے ہوئے کہنا ہے کہ طیفی بٹ کی گرفتاری اس کیس میں ایک بڑی پیشرفت ہے۔ اسے قانون کے کٹہرے میں لایا جائے گا اور امیر بالاج کے قاتلوں کو کیفر کردار تک پہنچایا جائے گا۔
