دبئی (این این آئی)پاکستان اور بھارت کی کرکٹ ٹیموں کے درمیان (آج)اتوار کو ایشیا کپ کا فائنل دبئی میں ہونے ہوگاتاہم فائنل سے پہلے دونوں ملکوں کی ٹیموں کے درمیان تناؤ کے سبب اس بار فائنل سے پہلے دونوں کپتانوں کا ٹرافی کے ساتھ روایتی فوٹو شوٹ نہیں ہو رہا۔منتظمین نے اس بات کی تصدیق کی ہے کہ (آج)اتوار کو فائنل سے پہلے اس سے متعلق حتمی فیصلہ ہوگا۔

اس سے قبل بھارتی ٹیم نے ایشیا کپ کے 2 مقابلوں میں پاکستان کرکٹ ٹیم سے ہاتھ ملانے سے گریز کیا تھا اور اب فائنل میں بھی ایسی ہی صورتحال دکھائی دے رہی ہے، اب اس بارے میں امکان کم ہے کہ ٹرافی کے ساتھ دونوں کپتان تصاویر بنوائیں۔دوسری جانب پاکستان کرکٹ ٹیم کے کپتان سلمان علی آغا رات 7 بجے پاکستانی وقت کے مطابق پریس کانفرنس کریں گے۔پاکستان ٹیم پاکستانی وقت کے مطابق رات سات سے دس بجے دبئی میں واقع آئی سی سی اکیڈمی میں فائنل سے پہلے پریکٹس میں بھی حصہ لے گی۔