اسلام آباد (نیوز ڈیسک)ایشیا کپ کے فائنل میں بھارت کے خلاف پاکستان کی کامیابی کے لیے شعیب اختر کا دلچسپ ’’ماسٹر پلان‘‘ سوشل میڈیا پر وائرل ہوگیا۔قومی کرکٹ ٹیم کے سابق فاسٹ باؤلر نے غلطی سے کرکٹر ابھیشیک شرما کی بجائے بھارتی اداکار ابھیشیک بچن کا نام لے دیا۔
انہوں نے کہا کہ ’’اگر پاکستان ابھیشیک بچن کو جلد آؤٹ کر لے تو میچ اپنے حق میں کرسکتا ہے۔‘‘اس بیان پر ابھیشیک بچن نے کہا کہ ’’سر! پورے احترام کے ساتھ مجھے نہیں لگتا کہ پاکستان یہ بھی کر پائے گا حالانکہ میں کرکٹ کھیلنے میں اچھا بھی نہیں ہوں‘‘۔
