اسلام آباد (نیوز ڈیسک) وزیراعلیٰ پنجاب مریم نواز شریف کے حالیہ جاپان دورے کے دوران ہونے والی ملاقاتوں کی تصاویر سوشل میڈیا پر زیر بحث ہیں، مگر ہمیشہ کی طرح اس بار بھی ان کے ملبوسات اور جوتوں کی قیمت موضوع گفتگو بن گئی ہے۔شوبز اینڈ نیوز کے مطابق، جب مریم نواز اوساکا میں ورلڈ ایکسپو 2025 کے لیے پہنچیں تو انہوں نے معروف برانڈ “فیرا گامو” کے جوتے پہنے ہوئے تھے، جن کی قیمت مبینہ طور پر 27 ہزار 900 امریکی ڈالر یعنی تقریباً 79 لاکھ پاکستانی روپے بتائی جا رہی ہے، تاہم اس کی باضابطہ تصدیق یا تردید تاحال سامنے نہیں آئی۔

CM Maryam Nawaz flexing at #WorldExpo2025 in Osaka with @Ferragamo ‘s heels worth [27,900 USD =7.9 Million PKR] 👠

Please share your thoughts! pic.twitter.com/EZQ5q3KdSM

— Showbiz & News (@ShowbizAndNewz) August 24, 2025

کچھ صارفین نے سوشل میڈیا پر اعتراض کیا کہ ان جوتوں کی قیمت صرف 850 ڈالر ہے، جس پر شوبز اینڈ نیوز نے وضاحت پیش کرتے ہوئے کہا کہ موجودہ مارکیٹ میں یہ جوتے 17 ہزار 834 ڈالر میں فروخت ہو رہے ہیں اور اگر اس پر امپورٹ ڈیوٹیز شامل کی جائیں تو کل قیمت تقریباً 27 ہزار 900 ڈالر بنتی ہے۔دورے کے دوران مریم نواز کے اعزاز میں تھائی لینڈ کے سابق وزیراعظم اور ٹیلی کام کے شعبے کی نمایاں شخصیت تھکسان شیناوترا نے عشائیہ دیا، جس میں تھائی لینڈ کی کم عمر ترین سابق وزیراعظم پائیتو نگترن شیناوترا بھی شریک ہوئیں۔

Serving the nation with style and luxury

CM #MaryamNawaz looking amazing in Pakistani brand #ParniyaanByAyesha worth 50K – 70K PKR

👜 @Cartier : €3,900 (~ PKR 12 Lakh)
👠 @RogerVivier : $1,690 (~ PKR 4.7 Lakh) pic.twitter.com/ioHEtVGQhJ

— Showbiz & News (@ShowbizAndNewz) August 26, 2025

مریم نواز نے اس موقع کی تصاویر اپنے سوشل میڈیا اکاؤنٹ پر بھی شیئر کیں۔صارفین کی جانب سے وزیراعلیٰ پنجاب کے اس موقع پر پہنے گئے لباس کو سراہا بھی گیا، مگر اس کی قیمت پر خاصی بحث ہوئی۔ شوبز اینڈ نیوز کے مطابق، مریم نواز کے ہاتھ میں موجود ہینڈ بیگ معروف برانڈ “کارٹیئر” کا تھا، جس کی قیمت تقریباً 12 لاکھ روپے ہے۔ انہوں نے “راجر ویور” کے جوتے پہنے، جن کی قیمت تقریباً 4 لاکھ 40 ہزار روپے بتائی جا رہی ہے، جبکہ ان کا لباس پاکستانی برانڈ “پرنیان” کا تھا، جس کی مالیت تقریباً 70 ہزار روپے ہے۔