ژوب (این این آئی)بلوچستان کے علاقے ژوب میں افغانستان سے پاکستان میں دراندازی کی کوشش کے نتیجے مارے جانے والے فتنہ الخوارج کے 47دہشت گردوں کی لاشیں کئی روز گزر جانے کے باوجود بھی کوئی اٹھانے نہیں آیا۔سیکیورٹی ذرائع کے مطابق 7اور 9اگست کو سیکورٹی فورسز نے 47فتنہ الخوارج کو سمبازا بلوچستان کے علاقے میں بارڈر کراس کرنے کی کوشش کررہے تھے کو موثر کارروائی کے بعد جہنم واصل کیا، مارے جانے والوں میں بیشتر افغان تھے اور ان میں سے زیادہ تر کی لاشیں افغانستان کی طرف گری تھیں۔
سیکیورٹی ذرائع کے مطابق مارے جانے والے دہشت گردوں کی لاشیں 15روز بعد بھی افغانستان سے کوئی اٹھانے نہیں آیا جبکہ وہ افغانستان سائڈ پر گلتی سڑتی رہیں۔سیکیورٹی ذرائع کے مطابق 25اگست کو بارڈر پر افغان حکام کیساتھ جرگہ کے بعد ان لاشوں کو گدھوں پر لاد کر لے جایا گیا، لمبا عرصہ دھوپ اور باہر کھلے میں پڑے رہنے والے فتنہ الخوارج کے جہنم واصل 47دہشت گرد گوشت خور جانوروں کی بھوک بھی مٹاتے رہے۔ذرائع کے مطابق فتنہ الخوارج کی بڑی تشکیل کو کسی بھی دہشت گردنانہ کارروائی سے پہلے ہی ٹھکانے لگا دینا سیکیورٹی اور انٹلیجنس اداروں کی بڑی کامیابی ہے۔
