ڈارون (این این آئی)آسٹریلیا اور جنوبی افریقہ کے درمیان پہلے ٹی 20 میچ میں کراؤڈ میں ایک ہاتھ سے حیرت انگیز کیچ پکڑنے والے تماشائی کو کمپنی نے بڑی آفر دے دی۔گزشتہ دنوں ڈارون میں کھیلے گئے آسٹریلیا اور جنوبی افریقہ کے پہلے ٹی 20 میچ میں کراؤڈ میں موجود ایک شخص جس نے ایک ہاتھ میں دو کین پکڑ رکھے تھے۔ دوسرے ہاتھ سے ناقابل فراموش کیچ لے کر نہ صرف شائقین بلکہ میدان میں موجود کرکٹرز کو بھی حیران کر دیا۔کرکٹ کی تاریخ کے حیرت انگیز کیچز میں شمار کیے جانے والا یہ کیچ ہیری گِل نامی شخص نے پکڑا جس کی ویڈیو سوشل میڈیا پر تیزی سے وائرل ہو رہی ہے اور ہیری نیا سوشل میڈیا اسٹار بن گئے ہیں، جن کی تصویر اور انٹرویو اخبار اور ٹی وی چینلز کی زینت بن رہے ہیں۔آسٹریلوی میڈیا کے مطابق ہیری گِل جو پیشے کے اعتبار سے پائلٹ ہیں۔

اس کیچ کے بعد انہیں ایک ملٹی وٹامن کمپنی نے ناقابل یقین پیشکش کر دی ہے۔ملٹی وٹامن کمپنی نے ہیری کو زندگی بھر کے لیے اپنی مصنوعات فراہم کرنے کا وعدہ کیا ہے۔اس پیشکش کی وجہ یہ ہے کہ جس وقت ہیری نے کیچ تھاما، اس وقت اس نے کیپ پہن رکھی تھی، جس پر گڈ ڈے برانڈ لکھا تھا۔ یہ ایک ملٹی وٹامن کمپنی ہے جو ٹام برمنگھم اور ایڈی سمپسن نے لانچ کی تھی۔اس کمپنی کے شریک مالک ٹام برمنگھم نے کہا کہ ہم اپنی مصنوعات ہیری کو تاحیات مفت فراہم کریں گے۔دوسری جانب یہ حیران کن کیچ پکڑنے کے بعد ہیری کے پاس فون کالز کا تانتا بندھ گیا۔ نوجوان کے مطابق موجوہ اور سابقہ گرل فرینڈز سمیت وہ سب دوست جو کئی سال سے رابطوں میں نہیں تھے۔ انہوں نے رابطہ کر کے مبارکباد دی۔ہیری نے میڈیا سے گفتگو کرتے ہوئے کہا کہ میں یہ کیچ پکڑ کر ہوا میں اڑتا رہا۔ پھر گھر جا کر ڈراو?نی فلم دیکھی اور سو گیا۔