اسلام آباد(نیوز ڈیسک ) آئر لینڈ کی پرواز میں سفر کرنے والا ایک مسافر اچانک مشتعل ہوگیا اور اپنے قریب بیٹھے شخص کو کاٹ کھایا لیکن اس کے چند لمحوں بعد ہی کاٹنے والا مسافر سیٹ پر بیٹھے بیٹھے جان کی بازی ہار گیا جس کے باعث پرواز کو ہنگامی طور پرایئر پورٹ پر اتار لیا گیا۔آئرلینڈ پولیس کے مطابق آئر لینڈ کا طیارہ لزبن سے ڈبلن کی جانب محو پرواز تھا کہ اچانک پرواز میں موجود ایک مسافر کسی بات پر مشتعل ہوگیا اور غصے میں آکر اس نے قریب بیٹھے مسافر کو کاٹ لیا لیکن اس کے چند لمحوں بعد ہی حیرت انگیز طور پر اچانک وہ اپنی سیٹ پرہی دم توڑ گیا اور کسی کو خبر ہی نہ ہوسکی کہ اس کی موت کی وجہ کیا بنی جب کہ اس واقعے پر پرواز کو ہنگامی طور پر موڑ کر کوک ایئر پورٹ پر اتار لیا گیا۔ انتظامیہ کا کہنا ہے کہ این گارڈا نامی اس شخص کی لاش کا پوسٹ مارٹم کیا جا رہا ہے تاہم اس کی موت کی وجہ ابھی تک سامنے نہیں آسکی۔
پولیس کے مطابق اتفاقیہ طور پر اسی پرواز میں ایک پرتگالی خاتون سے 1.8 کلوگرام ہیروئن بھی برآمد ہوئی جب کہ خاتون کو گرفتار کرلیا گیا ہے تاہم مرنے والے شخص کا خاتون سے کوئی تعلق نظر نہیں آتا۔