اسلام آباد(نیوز ڈیسک ) امریکا میں مفت میں ایک ریسٹورینٹ کے تاحیات 10 فیصد منافع کا مالک بنا جاسکتا ہے اور اس کے لیے صرف ایک چیلنج قبول کرنا ہوگا جس میں 30 پونڈ وزنی رول کو صرف ایک گھنٹے میں ختم کرنا ہوگا۔امریکی ڈون چنگون ریسٹورینٹ میں ساڑھے 3 فٹ قطر کے پراٹھے میں مرغی کا گوشت، چاول، اسٹیک گوشت، پنیر، لوبیا اور دیگر اجزا بھر کر ایک رول بنایا جاتا ہے جس کو تیار کرنے میں 2 گھنٹے درکار ہوتے ہیں جب کہ اس رول کو کھانے کے مقابلے میں شریک افراد کے لیے چند شرائط بھی ہیں جن میں الٹی کرنے اور رفع حاجت کے لیے جانے کی صورت میں شکست ہوجائے گی، کھانے کا چیلنج قبول کرنے والے طبیعت خراب ہونے یا موت کے ذمہ دارخود ہوں گے اور اگر کوئی خوش نصیب یہ مقابلہ جیت گیا تو اسے ریسٹورینٹ سے ناصرف پوری زندگی مفت کھانا ملے گا بلکہ اسے منافع میں سے 10 فیصد حصہ بھی دیا جائے گا۔ریسٹورینٹ کے مالک کا کہنا ہے کہ یہ چیلنج بہت مشکل ہے اور دنیا کے بہترین پیٹو ہی اسے مکمل کرسکتے ہیں۔ ان کے مطابق اب تک کسی نے بھی یہ مقابلہ نہیں جیتا جس کے بعد 2 ا?دمیوں کو ایک ساتھ یہ کھانے کی دعوت دی گئی جس میں 500 ڈالر نقد، 500 ڈالر کا مفت کھانا اور ایک ٹی شرٹ کا تحفہ شامل ہے اور اب تک اس مقابلے کو بھی کوئی نہیں جیت سکا ہے۔