لاہور(نیوزڈیسک)قومی احتساب بیورو ( نیب) لاہور نے پنجاب یوتھ فیسٹولز کے انعقاد کےلئے اخراجات اور گنیز بک میں درج کرائے جانے والے ریکارڈزکی تفصیلات مانگ لیں ۔ نیب ذرائع کے مطابق پنجاب سپورٹس بورڈ کے منتظمین سے 2012،2013اور 2014ءمیں منعقد کرائے گئے یوتھ فیسٹولز پر آنے والے تمام اخراجات کی تمام تفصیلات کے علاوہ ان سالوں میں بننے والے ان تمام ریکارڈز کی بھی تفصیلات مانگ لی ہیں جو گنز بک آف ورلڈ ریکارڈ میں درج کرائے گئے ہیں۔ ذرائع کے مطابق ضرورت پڑنے پر ذمہ داران کو بھی بیانات ریکارڈ کرنے کےلئے طلب کیا جا سکتا ہے ۔