لاہور،فیصل آباد (آن لائن )مریم نوازشریف کومسلم لیگ(ن) کے تنظیمی امورچلانے کےلئے اختیاردینے کافیصلہ ۔ وزیر اعظم نواز شریف مسلم لیگ ن کے تنظیمی امور چلانے کے لئے اپنی صاحبزادی مریم نواز کو اختیار دیا جا رہا ہے کہ وہ ملک بھر میں مسلم لیگ ن کے دھڑے بندیوں کے ساتھ ساتھ ممبران قومی و صوبائی اسمبلی اور پارٹی کے سینئر اور یوتھ سے مسلسل رابطہ قائم کرے۔ آن لائن کو ذرائع نے بتایا کہ پہلے مرحلہ میں مریم نواز کو مسلم لیگ نون فیصل آباد میں دھڑے بندیوں کو ختم کرانے کا ٹاسک دیا گیا ہے۔ مریم نواز جو ان دنوں امریکہ کے صدر باراک اوبامہ کی اہلیہ مشعل اوبامہ کی دعوت پر وزیر اعظم نواز شریف کے ہمراہ امریکہ روانہ ہوئی ہیں۔وہ واپسی پر ملک کے چاروں صوبوں میں پارٹی تنظیمی امور کے بارے میں مختلف اضلاع کا دورہ کرے گی۔ مریم نواز نے گزشتہ روز وزیر مملکت پانی و بجلی عابد شیر علی ان کے والد چودھری شیر علی سابق ایم این اے و میئر کو پیغام بھجوایا کہ وہ فیصل آباد میں خود آ کر پارٹی میں اختلافات کو ختم کرانا چاہتی ہیں مگر فوری امریکہ جانے کی وجہ سے اپنے خاوند رکن قومی اسمبلی کیپٹن( ر ) صفدر کو فیصل آباد بجھوا رہی ہیں تاکہ پارٹی کے اندر پائے جانے والے رانا ثناءاور چودھری شیر علی کے درمیان اختلافات کو ختم کرایا جا سکے۔ مر یم نواز امر یکہ کے دورے سے واپسی پر فیصل آ با د آ ئیں گی جہاں وہ مسلم لیگ ن کے سا بق ایم این اے چو ہدر ی شیر علی اور کا رکنو ں سے ملا قات کر کے را ناثنا ءاللہ اور چو ہدر ی شیر علی کے درمیا ن اختلافا ت ختم کر ائیں گی۔