کراچی (این این آئی)اپنی گاڑی کے کاغذات چیک کروالیں کہیںوہ بھی تو جعلی نہیں؟نیا سکینڈل سامنے آگیا، محکمہ ایکسائز اینڈ ٹیکسیشن سندھ میں گاڑیوں کے جعلی کاغذات تیار کیے جانے کا انکشاف ہوا ہے اینٹی کرپشن پولیس نے ایکسائز اینڈ ٹیکسیشن کے 3 ملازمین سمیت 5 افراد کے خلاف مقدمہ درج کرلیا ۔ مقدمہ میں ایکسائز اینڈ ٹیکسیشن افسر اعجاز احمد اور اسسٹنٹ اے ٹی اے شیراز تھیبو ،شوکت علی سمیت دو ایجنٹس ایوب اور ظفر کو نامزد کیا ہے ،اینٹی کرپشن کے مطابق تینوں افسران نے ایجنٹس ایوب اور ظفر کے ساتھ مل کر گاڑیوں کے جعلی کاغذات تیار کیے اور ملکی خزانے کو لاکھوں روپے کا نقصان پہنچایا۔ اینٹی کرپشن ذرائع کے مطابق نامزد افسران نے ٹیکس ریکارڈ میں رد وبدل کر کے لاکھوں روپے کی رقم ہڑپ کر لی ۔ ایکسائز اینڈ ٹیکسیشن ذرائع کے مطابق نامزد افسران مقدمہ درج ہونے کے باوجود اپنے عہدوں بر اجمان ہیں ،اینٹی کرپشن پولیس کی جانب سے تا حال ملزمان کو گرفتار نہیں کیا جاسکا ۔