اسلام آباد(نیوز ڈیسک)پنجاب کے ضلع گجرات میں نامعلوم افرا د نے فائرنگ کر کے ایک اور ٹک ٹاکر کو قتل کر دیا۔تفصیلات کے مطابق یہ افسوسناک واقعہ گجرات کے نواحی علاقہ جلالپورجٹاں میں پیش آیا جہاں نامعلوم افراد نے فائرنگ کر کے ٹک ٹاکر کو قتل کردیا۔پنجاب پولیس کا کہنا ہے کہ موٹرسائیکل سوارملزموں نے تعاقب کرکے مقتول مقدر عباس کو قتل کیا،فائرنگ کے بعد ملزمان فرار ہونے میں کامیاب ہوگئے،جن کی گرفتاری کے لیے پولیس چھاپے مار رہی ہے۔ جبکہ پولیس نے لاش قبضے میں لیکرپوسٹ مارٹم کیلئے ہسپتال منتقل کر دی۔خیال رہے اس سے قبل اسلام آباد میں خاتون ٹک ٹاکر ثنایوسف کو انکے اپنے ہی گھر میں بے دردی سے قتل کردیا گیا تھا۔