ریاض (این این آئی)عالمی شہرت یافتہ پرتگالی فٹبالر کرسٹیانو رونالڈو اور ان کی گرل فرینڈ جارجینا روڈریگز نے سوشل میڈیا پر موصول ہونے والے دھمکی آمیز پیغامات کے بعد سعودی عرب میں اپنے حفاظتی انتظامات میں اہم تبدیلیاں کی ہیں۔بین الاقوامی میڈیا کی رپورٹ کے مطابق خطرناک پیغامات موصول ہونے کے بعد کرسٹیانو رونالڈو اور جارجینا روڈریگز نے اپنی سیکیورٹی میں مزید اضافے کا فیصلہ کیا ہے۔
رپورٹ میں یہ بات سامنے آئی ہے کہ انہوں نے اپنے سابق چیف باڈی گارڈ اور دیگر سیکیورٹی اسٹاف کو تبدیل کر دیا ہے۔رپورٹ کے مطابق کرسٹیانو رونالڈو اور جارجینا روڈریگز نے اپنے بچوں کو سوشل میڈیا سے دور کر دیا ہے اور فیملی کی تصاویر اور ویڈیوز سوشل میڈیا پر شیئر کرنے سے گریز کر رہے ہیں۔رپورٹ میں بتایا گیا کہ سعودی عرب کی پولیس بھی ان کے ساتھ حفاظتی اقدامات میں تعاون کر رہی ہے۔رپورٹ کے مطابق کرسٹیانو رونالڈو نے اب پرتگال میں ہائی رسک سیکیورٹی کے ماہر کلاڈیو میگوئل ویز کو بطور چیف سیکیورٹی آفیسر تعینات کیا ہے۔
