اسلام آباد(این این آئی)سعودی عرب اور متحدہ عرب امارات سمیت8 ملکوں سے 24 گھنٹوں کے دوران مزید19 پاکستانیوں کو بے دخل کیا گیا ۔امیگریشن ذرائع کے مطابق بلیک لسٹ، ویزا منسوخی، امیگریشن مسائل اور معاہدے کی خلاف ورزی پر 11پاکستانیوں کو بے دخل کیا گیا ہے۔

متحدہ عرب امارات سے بغیر ویزے کے گئے ایک پاکستانی کو وطن واپس بھیج دیا گیا جبکہ کابو وردے سے دستاویزات کی عدم دستیابی پر ایک پاکستانی کو ڈی پورٹ کیا گیا ہے۔امیگریشن ذرائع نے بتایاکہ جنو بی افریقا میں خراب پروفائلنگ پر 2 پاکستانیوں کو بے دخل کیا گیا ہے۔سعودی عرب، تنزانیہ اور ایران سے ایمرجنسی پاسپورٹس پر 3 پاکستانیوں کو بے دخل کیا گیا ہے۔اس کے علاوہ عراق میں غیر قانونی داخلے اور زائد المیاد قیام پر ایک پاکستانی کو بے دخل کیا گیا ہے۔