کراچی(این این آئی)پاکستانی شوبز انڈسٹری کے معروف اداکار اور شو ہوسٹ فہد مصطفی نے ایک بار پھر اپنے مزاحیہ انداز سے سب کو ہنسنے پر مجبور کردیا۔ رمضان اسپیشل گیم شو کے دوران انہوں نے اداکارہ ثنا جاوید پر ایسا طنزیہ وار کیا کہ پوری محفل قہقہوں سے گونج اٹھی۔فہد مصطفی کا شو نہ صرف تفریح کا ایک بہترین ذریعہ ہے، بلکہ اس کی ایک خاص بات یہ بھی ہے کہ جو بھی اس شو کا حصہ بنتا ہے، وہ شادی کے بندھن میں بندھ جاتا ہے۔
کیا یہ محض اتفاق ہے یا فہد مصطفی کی رشتہ فکس کرنے کی صلاحیت؟ یہ سوال تو ہر کسی کے ذہن میں ہے!فہد مصطفی کے گیم شو میں ثنا جاوید ایک بار پھر مہمان کے طور پر شامل ہوئیں اور دوران پروگرام انھوں نے فہد سے کہا، مجھے یہاں لڑکے نظر نہیں آ رہے، براہ کرم گیم کیلیے چند لڑکے ڈھونڈ دیں۔اس پر فہد نے اپنے مخصوص مزاحیہ انداز میں جواب دیا، یہاں بہت سے لڑکے موجود ہیں، ہجوم میں دیکھیں! لیکن اب میں آپ کیلیے مزید لڑکے نہیں ڈھونڈوں گا۔
ایک تو میں پہلے ہی ڈھونڈ چکا ہوں!فہد کے اس طنزیہ جملے نے نہ صرف ثنا جاوید کو شرمندہ کردیا، بلکہ پورے اسٹوڈیو کو ہنسی کے قہقہوں سے بھر دیا۔ ثنا نے فہد کو روکنے کی کوشش کی، لیکن تب تک یہ لمحہ کیمرے میں قید ہوچکا تھا۔ جیسے ہی یہ کلپ سوشل میڈیا پر وائرل ہوا، صارفین کے ملے جلے ردعمل سامنے آنا شروع ہو گئے۔کچھ صارفین نے کہاکہ فہد نے ثنا کو خوب آڑے ہاتھوں لیا، اور وہ اس طنز کی مستحق تھیں۔ ایک صارف نے تبصرہ کیا، انہیں شادی کے فورا بعد جیتو پاکستان میں شامل نہیں ہونا چاہیے تھا۔ جبکہ کچھ نے فہد کے مزاحیہ انداز کی تعریف کرتے ہوئے کہا کہ وہ واقعی شو کو زندہ دل بنا دیتے ہیں۔یاد رہے کہ فہد مصطفی کے شو میں شامل ہونے والی کئی مشہور شخصیات شادی کے بندھن میں بندھ چکی ہیں۔ ثنا جاوید اور شعیب ملک بھی اس پروگرام میں مہمان کی حیثیت سے شامل ہوئے تھے جو کہ اب لائف پارٹنر کے طور پر اس کا حصہ بن رہے ہیں۔ اسی طرح کبری خان بھی شادی کے بعد اس شو میں نظر آئیں۔
