کراچی(این این آئی)سہ فریقی سیریز کے لیے انجرڈ فاسٹ بولر حارث رؤف کی جگہ نوجوان فاسٹ بولر عاکف جاوید کو شامل کیا گیا ہے۔پی سی بی کے مطابق ایم آر آئی اور ایکسرے رپورٹس کے مطابق حارث رؤف کو سینے کی نچلی طرف کھچاؤ ہے اور انہیں آرام کا مشورہ دیا گیا ہے۔
پی سی بی کا کہنا کہ حارث رؤف کا متبادل صرف سہ ملکی ون ڈے سیریز کے لیے ہے۔اعلامیے کے مطابق حارث کے مکمل فٹ ہونے اور آئی سی سی چیمپئنز ٹرافی 2025 کے لیے دستیاب ہونے کی امید ہے۔واضح رہے کہ پاکستان کا مقابلہ 19 فروری کو کراچی میں نیوزی لینڈ، 23 فروری کو دبئی میں بھارت اور 27 فروری کو راولپنڈی میں بنگلادیش سے ہوگا۔یاد رہے کہ سہ فریقی سیریز کے پہلے میچ میں فاسٹ بولر حارث رؤف نیوزی لینڈ کے خلاف 37 ویں اوور میں بولنگ کرواتے ہوئے انجری کا شکار ہو کر اوور مکمل کروائے بغیر میدان سے ہابر چلے گئے تھے۔
