لاہور(نیوز ڈیسک) محکمہ موسمیات کے ماہرین نے آئندہ 24گھنٹوں میں لاہور سمیت پنجاب کے بالائی علاقوں راولپنڈی ،اسلام آباد،گوجرانوالہ،سرگودھا ڈویڑن سمیت خیبر پختونخواہ ،بالائی فاٹا ،مالا کنڈ ،ہزارہ ،پشاور ،کوہاٹ ،بنوں و مردان ڈویڑن اور گلگت بلتستان و کشمیر سے ملحقہ چند مقامات پر تیز ہواو¿ں اور گرج چمک کے ساتھ بارش کی پیش گوئی کی ہے۔محکمہ موسمیات کے ترجمان نے بتایا کہ تاہم ملک کے بیشتر علاقوں میں موسم کے خشک رہنے کا امکان ہے جبکہ گزشتہ روز بھی ملک کے اکثر علاقوں میں موسم خشک رہا۔انہوں نے بتایا کہ گزشتہ روز ملک میں سب سے زیادہ گرمی نوکنڈی ،دالبندین ،تربت اور سبی میں پڑی جہاں پر زیادہ سے زیادہ درجہ حرارت 40سینٹی گریڈ ریکارڈ کیا گیا۔