گوجرانوالہ (این این آئی) گوجرانوالہ میں بیٹیوں نے باپ کو رسیوں سے باندھ کر آگ لگا دی۔پولیس کے مطابق آگ سے جھلس کر متاثر ہونے والا شخص ہسپتال میں دم توڑ گیا۔پولیس کے مطابق مقتول علی اکبر نے 3شادیاں کر رکھی تھیں اور اس کے 10بچے ہیں، مقتول کی پہلی بیوی وفات پا چکی ہے جبکہ مقتول 2 بیویوں اور بچوں کے ساتھ کرائے کے مکان میں رہتا تھا۔

پولیس کے مطابق مقدمے میں مقتول کی 2بیٹیوں کے ساتھ دونوں بیویوں کو بھی نامزد کیا گیا ہے۔گرفتار دونوں بہنوں نے پولیس کو بیان دیا ہے کہ والد سو رہے تھے ان کو رسیوں سے باندھا اور موٹر سائیکل سے پیٹرول نکال کر آگ لگا دی۔