اسلام آباد (این این آئی)ملک میں یوریا کی کھپت میں گزشتہ سال کے دوران سالانہ بنیادوں پر نمایاں کمی ہوئی ہے۔انڈسٹری کے اعدادوشمار کے مطابق سال 2024ء کے دوران ملک میں 6577000ٹن یوریا کی کھپت ریکارڈکی گئی جو سال 2023ء کے مقابلہ میں ایک فیصد کم ہے۔ سال 2023ء میں ملک میں 6642000ٹن یوریاکی کھپت ریکارڈکی گئی تھی۔

رپورٹ کے مطابق دسمبر میں 991000ٹن یوریا کی کھپت ہوئی جو دسمبر 2023ء کے مقابلہ میں 58فیصد زیادہ ہے۔ دسمبر 2023ء میں 628000ٹن یوریا کی کھپت ریکارڈکی گئی تھی۔دوسری جانب یوریا کے برعکس ڈی اے پی کی کھپت میں اضافہ ریکارڈ کیا گیا ہے ،سال 2024ء کے دوران ملک میں 1641000ٹن ڈی اے پی کی کھپت ریکارڈکی گئی جو سال 2023ء کے مقابلہ میں 4فیصد زیاد ہ ہے۔ سال 2023میں 1576000ٹن ڈی اے پی کی کھپت ریکارڈکی گئی تھی۔دسمبر میں ملک میں 152000ٹن ڈی اے پی کی کھپت ہوئی جو دسمبر 2023 ء کے مقابلہ میں 15فیصد زیادہ ہے۔ دسمبر 2023ء میں ملک میں 88000ء ٹن ڈی اے پی کی کھپت ریکارڈ کی گئی تھی۔