اتوار‬‮ ، 31 اگست‬‮ 2025 

محبت میں مبتلا بیوی نے طلاق نہ دینے پر شوہر کو قتل کردیا

datetime 23  دسمبر‬‮  2024
ہمارا واٹس ایپ چینل جوائن کریں

کراچی (این این آئی)سہراب گوٹھ پولیس نے شوہر کو قتل کرنے کے الزام میں مقتول کی اہلیہ، سسر اور سالے کو گرفتار کرلیا۔ پولیس کے مطابق مقتول کو ملزمہ نے پہلے کوئی چیز کھلائی اس کے بعد گلا گھونٹ کر قتل کر دیا، ملزمہ نے واقعے کو خودکشی کا رنگ دینے کی کوشش کی تاہم پوسٹ مارٹم رپورٹ میں قتل کا معمہ حل ہوگیا۔سہراب گوٹھ پولیس نے زیر حراست ملزمہ نور ثمینہ، اس کے والد محمد ندیم ولد علی محمد اور بھائی یامین کو گرفتار کرکے 302/34 کے تحت مقتول کے بھائی کی مدعیت میں مقدمہ درج کر لیا۔

ایس ایچ او سہراب گوٹھ سب انسپکٹر وزیر سموں نے بتایا کہ 22 دسمبر کو اسکیم 33 جمالی گوٹھ غریب آباد گلی نمبر 5 میں ایک شخص کی لاش کی اطلاع پر پولیس موقع پر پہنچی اور لاش کو تحویل میں لے کر عباسی شہید اسپتال منتقل کیا تھا۔انہوں نے بتایا کہ مقتول کی شناخت 28 سالہ شاہد علی ولد محمد قاسم کے نام سے کی گئی، پولیس نے جائے وقوعہ سے شواہد اکٹھے کرکے مقتول کی اہلیہ نور ثمینہ کا بیان قلمبند کیا تھا جس میں تضاد پایا گیا۔ملزمہ نے بتایا تھا کہ وہ سو رہی تھی جب صبح اٹھی تو اس کے شوہر کی لاش چھت میں لگے پنکھے سے لٹک رہی تھی جس پر اس نے فوری طور پر مقتول کے بھائی کو اطلاع دی اور اپنی مدد آپ کے تحت لاش کو اتار کر کرسی پر ڈال دیا۔

مقتول کے بھائی نے موقع پر پہنچ کر واقعے کی اطلاع پولیس کو دی، پولیس نے مقتول کی اہلیہ کو شک کی بنیاد پر حراست میں لے لیا تھا۔ایس ایچ او نے بتایا کہ پوسٹ مارٹم رپورٹ میں ایم ایل او نے بتایا کہ مقتول شاہد علی کو ہفتے کی شب کھانے میں کوئی چیز ملا کر کھلائی گئی جس سے وہ بیہوش ہوگیا، بعد ازاں ملزمان نے گلا گھونٹ کر قتل کردیا، ملزمہ نور ثمینہ نے اعتراف کیا کہ اس نے اپنے والد اور بھائی کی مدد سے اپنے شوہر کو قتل کیا۔ ملزمہ نے بتایا کہ وہ کافی عرصہ سے اپنے شوہر سے طلاق دینے کا بول رہی تھی تاہم وہ طلاق دینے کو تیار نہیں تھا، ملزمہ کسی اور شخص سے محبت کرتی تھی، ہفتے کی رات کو ملزمہ رات دس بجے اور مقتول رات ایک بجے گھر آئے تھے دونوں میں کسی بات پر جھگڑا ہوا تھا بعد ازاں ملزمہ نے منصوبے کے تحت شوہر کو قتل کردیا، مقتول الیکٹریشین اور دو بچوں کا باپ تھا، ملزمان کو شعبہ تفتیش کے حوالے کردیا گیا۔

آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں


کالم



پروفیسر غنی جاوید


’’اوئے انچارج صاحب اوپر دیکھو‘‘ آواز بھاری…

سنت یہ بھی ہے

ربیع الاول کا مہینہ شروع ہو چکا ہے‘ اس مہینے…

سپنچ پارکس

کوپن ہیگن میں بارش شروع ہوئی اور پھر اس نے رکنے…

ریکوڈک

’’تمہارا حلق سونے کی کان ہے لیکن تم سڑک پر بھیک…

خوشی کا پہلا میوزیم

ڈاکٹر گونتھروان ہیگنز (Gunther Von Hagens) نیدر لینڈ سے…

اور پھر سب کھڑے ہو گئے

خاتون ایوارڈ لے کر پلٹی تو ہال میں موجود دو خواتین…

وین لو۔۔ژی تھرون

وین لو نیدر لینڈ کا چھوٹا سا خاموش قصبہ ہے‘ جرمنی…

شیلا کے ساتھ دو گھنٹے

شیلا سوئٹزر لینڈ میں جرمنی کے بارڈرپر میس پراچ(Maisprach)میں…

بابا جی سرکار کا بیٹا

حافظ صاحب کے ساتھ میرا تعارف چھ سال کی عمر میں…

سوئس سسٹم

سوئٹزر لینڈ کا نظام تعلیم باقی دنیا سے مختلف…

انٹرلاکن میں ایک دن

ہم مورج سے ایک دن کے لیے انٹرلاکن چلے گئے‘ انٹرلاکن…