اسلام آباد (این این آئی)پاکستان تحریک انصاف کے رہنما شیر افضل مروت نے پارٹی کو سول نافرمانی کی تحریک موخر کرنے کی تجویز دیدی۔نجی ٹی وی سے ٹیلی فونک گفتگو کرتے ہوئے انہوں نے کہا کہ حکومت کی جانب سے مذاکراتی کمیٹی کا قیام خوش آئند ہے۔

شیر افضل مروت نے کہا کہ پارٹی کو تجویز دیتا ہوں کہ سول نافرمانی کی تحریک کو مو خر کرنا چاہیے۔انہوں نے کہا کہ حکومتی کمیٹی کو موقع دینا چاہیے، اْمید ہے مذاکراتی عمل میں دونوں فریقین مثبت کردار ادا کریں گے۔پی ٹی آئی کے رہنما نے کہا کہ سیاسی استحکام کے لیے مذاکراتی عمل انتہائی ضروری ہے، اْمید ہے مذاکراتی عمل کے مثبت اثرات مرتب ہوں گے۔