لاہور(این این آئی)پنجاب میں موسم سرما کی چھٹیوں کی نئی تاریخوں کا نیا نوٹیفکیشن جاری کردیا گیا۔محکمہ تعلیم پنجاب نے نیا نوٹیفکیشن جاری کیا ہے جس کے مطابق صوبے میں موسم سرما کی چھٹیاں اب 20 کے بجائے 23 دسمبر سے ہوں گی اور اسکول 13 جنوری کو کھلیں گے۔
اس سے قبل پنجاب میں نجی و سرکاری اسکولز میں 20 دسمبر سے 10 جنوری 2025ء تک چھٹیوں کا نوٹیفکیشن جاری کیا گیا تھا۔دوسری جانب سندھ بھر کے تعلیمی اداروں میں 21 دسمبر سے 31 دسمبر تک تعطیلات ہوں گی۔
