کراچی(این این آئی)پاکستان تحریک انصاف کے سابق رکن قومی اسمبلی عالمگیر خان محسود کو پولیس نے ان کی رہائش گاہ سے گرفتار کرلیا، پولیس کے مطابق ان پر اسلام آباد میں درج مقدمات کے تحت گرفتار کیا گیا ہے جبکہ ترجمان تحریک انصاف نے گرفتاری کی مذمت کی ہے۔
تفصیلا ت کے مطابق پولیس نے تحریک انصاف کے سابق رکن قومی اسمبلی عالمگیر خان محسود کو گلشن اقبال میں ان کی رہائش گاہ سے گرفتارکرلیا، انہیں اسلام آباد میں درج میں مختلف مقدمات میں گرفتار کیا گیا ہے۔تحریک انصاف کراچی کے صدر راجہ اظہر نے کہاکہ سابق رکن قومی اسمبلی عالمگیر خان کی گرفتاری کی شدید مذمت کی ہے، وہ آج اسلام آباد سے اپنے گھر پہنچے تو ان کی رہائش گاہ سے گرفتار کرلیا گیا۔ انہوں نے کہاکہ عالمگیر خان کو فوری رہا کیا جائے، ہم اس گرفتاری کے خلاف قانونی کارروائی کریں گے۔
