کراچی(نیوزڈیسک) نوازحکومت نے قرضے لینے کاگزشتہ کئی سال کاریکارڈتوڑڈالااوررواں سال کے پہلے 3ماہ میں قرضو ں میں چارگنااضافہ ہوگیاہے ۔ٹیکس آمدن بڑھانے کے اقدامات میں سست روی کے باعث وفاقی حکومت اخراجات پورے کرنے کے لیے کمرشل بینکوں سے خوب قرضے لے رہی ہے۔رواں مالی سال کے پہلے 3 ماہ میں حکومتی قرضے 4 گنا بڑھ گئے۔ سٹیٹ بینک کے جاری اعداد و شمار کے مطابق جولائی تا ستمبر 2015 حکومت کمرشل بینکوں سے 400 ارب روپے سے زائد کے قرضے لے چکی ہے جبکہ گزشتہ مالی سال اسی عرصے میں ان قرضوں کا حجم 110 ارب روپے تک محدود تھا۔دوسری جانب مالی سال کی پہلی سہ ماہی میں وفاق نے 45 ارب روپے قرض سٹیٹ بینک کو واپس بھی کیا۔ اقتصادی ماہرین کا کہنا ہے کہ وفاق اگر قرض پر انحصار کرنے کے بجائے ٹیکس آمدن بڑھانے میں سنجیدہ ہوجائے تو صوبوں کے ساتھ مل کر زراعت ، ریئل سٹیٹ سمیت کئی ایسے سیکٹرز پر ٹیکس عائد کرسکتا ہے کہ جن سے سالانہ قومی خزانے کو کھربوں روپے کی آمدن ہوسکتی ہے