لاہور( این این آئی) سرد موسم میں شدت آنے سے قبل ہی ایل پی جی مافیا متحرک ہو گیا ،شہر کے مختلف مقامات پر ایل پی جی سرکاری نرخ251روپے30پیسے کی بجائے 280 سے 300 روپے فی کلو تک فروخت ہونے لگی۔ مارکیٹ سروے کے مطابق شہر کے اکثر و بیشتر مقامات پر ایل پی جی سرکاری ریٹ کے مطابق دستیاب نہیں ہے ۔

دکانداروں کے مطابق ڈسٹری بیوٹرز اور امپورٹرز من مانے نرخ وصول کر رہے ہیں اور مہنگے ایل پی جی خرید کر مہنگی فروخت کرنے پر مجبور ہیں ۔ایل پی جی کے گھریلو سلنڈر کی قیمت میں 400 روپے تک خودساختہ اضافہ دیکھا گیا ہے ۔