لاہور( این این آئی)عالمی مالیاتی فنڈ کی شرط پر سیلز ٹیکس چھوٹ ختم کر دی گئی، ٹریکٹرز پر سیلز ٹیکس میں4فیصد اضافہ کر دیا گیا۔فیڈرل بورڈ آف ریونیو کے مطابق مقامی ٹریکٹرز کی فروخت پر سیلز ٹیکس 10فیصد سے بڑھا کر 14فیصد کر دیا گیا، امپورٹڈ ٹریکٹرز پر بھی سیلز ٹیکس 10فیصد سے بڑھا کر 14فیصد کر دیا گیا، ٹریکٹرز کی خریدوفروخت پر ابھی بھی 4فیصد سیلز ٹیکس چھوٹ باقی ہے۔

ایف بی آر حکام کے مطابق آئندہ ٹریکٹرز کی خریدوفروخت پر 4فیصد سیلز ٹیکس کی چھوٹ کو بھی ختم کیا جا سکتا ہے، ٹریکٹرز کی خریدوفروخت پر معیاری شرح کے مطابق 18فیصد سیلز ٹیکس عائد کیا جا سکتا ہے، سیلز ٹیکس بڑھنے سے ٹریکٹرز مہنگے نہیں ہوں گے۔ذرائع کے مطابق 4 فیصد سیلز ٹیکس بڑھنے سے ٹریکٹرز مزید 80ہزار روپے مہنگے ہونے کا تخمینہ ہے، ٹریکٹرز کی خریدوفروخت پر سیلز ٹیکس چھوٹ آئی ایم ایف کی شرط پر ختم کی گئی۔