کراچی (نیوز ڈیسک ) سسپنس اور ایڈونچر فلموں کے دیوانوں کیلئے جیوفلمز دو تحفے لایا ہے اور پاکستانی فلمی شائقین نے انکا کھلے دل سے استقبال کیا ہے ،۔نجی ٹی وی چینل کا فلمز کے تحت دو فلمیں بالی ووڈ فلم ”جذبہ“ اور ہالی ووڈ فلم”پین“ نے پاکستان میں قدم رکھا تو فلمی شائقین پہلے سے انکے منتظر تھے۔بالی وڈ کی نیلی آنکھوں والی خوبصورت حسینہ ایشوریا رائے 5برس بعد جب سلور اسکرین پر آئیں تو چھا گئیں،پردہ سیمیں پر انکی حکمرانی برقرا رہے ،جنگ رپورٹر محمد ناصر کے مطابق باکس آفس پر جذبہ کا رسپانس بہت شاندار ہے۔بالی ووڈ فلم جذبہ کی ہیروئن ایشوریا جنکے پاکستان میں لاکھوں پرستار ہیں نے اسکرین پر جب ملکہ حسن کو دیکھا تو انکی شاندار پرفارمنس پر بے ساختہ تالیاں بجائیں ، دونوں فلموں نے دھوم مچا دی ہے ، دونوں فلموں کے ولن کی دہشت آپ کے رونگٹے کھڑے کر دے گی۔بالی ووڈ فلم “جذبہ” کی کہانی مشکل میں پھنسی ایک وکیل کی ہے جس کی بیٹی ایک ان دیکھے ولن کی قید میں ہے،اس ولن کی وکیل کی ایک ایک حرکت پر کڑی نظر ہے ،چہرہ پوشیدہ ہے لیکن اس کی آواز ہی ایک ماں کا دل دہلا دیتی ہے، ایشوریا رائے ایک ماں ہونے کے ساتھ ساتھ وکیل بھی ہے وہ اپنی بچی کی رہائی کیلئے سب کچھ کرنے کو تیار ہوجاتی ہے وہ ایک پھانسی کی سزا پانے والے مجرم کی رہائی کیلئے اسکا کیس لڑنے پر مجبور کی جاتی ہے۔