اسلام آباد ( نیوز ڈیسک) غیر ملکی خبر رساں ادارے کے مطابق بیجنگ کے شہریوں کو گزشتہ روز دنیا کے سب سے بدترین اور ہولناک ٹریفک جام کا سامنا رہا جب چینی شہری قومی دن کی تعطیلات کے بعد شہر میں داخل ہو رہے تھے۔ بیجنگ کی موٹروے کا شمار دنیا کی بڑی شاہراہوں میں ہوتا ہے۔ اس موٹروے کی 50 لینز ہیں لیکن لاکھوں گاڑیوں کے ایک ساتھ شہر میں داخل ہونے کی کوشش میں سینکڑوں میلوں تک ٹریفک جام ہو گیا اور لمبی لمبی قطاریں لگ گئیں اور شہریوں کو گھنٹوں انتظار کی کوفت برداشت کرنا پڑی۔
چائنا کی نیشنل ٹوورازم ایڈمنسٹریشن کے مطابق ہر سال گولڈن ویک کی تعطیلات کے موقع پر 750 ملین افراد سفر کرتے ہیں اور ہر سال ہی شہریوں کو اسی طرح کی بدترین صورتحال کا سامنا رہتا ہے۔